Кейбір блогер БАҚ-тан да көп назарға ие – депутат 

Нұр-Сұлтан, BAQ.KZ тілшісі. Бұл туралы Мәжіліс депутаты Юрий Ли "Блогерлік-қоғамдық пікірді қалыптастыру құралы" дөңгелек үстелі барысында айтты.

Кейде кейбір блогер БАҚ-тан да көп назарға ие болып жатады. Блогерлермен өзім де жиі кездесемін. Заң саласындағы блогерлермен де жиі кездесемін. Оларға қатысты өзімнің пікірім бар,-деді ол.

Ли атап өткендей, блогерлік  институты әлеуметтік тұрғысынан дамып жатыр.

Біз әлем бойынша да танымал адамдардың барша әлемге әсер етіп отырғанын көріп отырмыз. Мысалы, Илон Масктың бір твиті "Тесла" өнімін 30 пайызға арзандатып жіберуі мүмкін,- деді депутат.