Корей түбегіндегі экономикалық қатынасты жергілікті вице-губернатор айтып берді
Біз әлемдік БАҚ арқылы Солтүстік Кореяның «қорқынышты» бейнесін оқып, көріп келдік. Бүгінде әлем алдында «ашық» болуға тырысқан Ким Чен Ынға қарап, таңғалып отырмыз. Себебі енді Корей түбегінде бейбітшілік орнап, 20 ғасырдың ортасында бастаған соғыс аяқталуы әбден мүмкін екеніне «үміт» пайда болды. Тіпті, Солтүстік Корея оңтүстіккореялық тараптың инвестициясын ауыл шаруашылығын дамытуға пайдалануға дайын отыр.
Оңтүстік Кореяның Кенгидо (Gyeonggi Province Government) провинциясының өзі 2 млрд доллар инвестиция құюға әзір. Екі жақ ортақ жобаларды бастап, келіссөз жүргізіпті. Тек әттеген-айы бар. Дональд Трамп пен Ким Чен Ынның екінші кездесуі бұл бастамаларды уақытша тоқтата тұруға себеп болды. Корей түбегіндегі қазіргі экономикалық қатынас туралы толығырақ BAQ.KZ тілшісіне Кенгидо провинциясының вице-губернаторы Hwa Young Lee мырза айтып берді.