Кеден қызметкерлері жолаушының багажынан 22 жылан тапты

Үндістанда әйел бірнеше жыланды тасымалдағысы келген жерінен ұсталды, деп хабарлайды BAQ.KZ Tengritravel.kz-ке сілтеме жасап.

Ченнай қаласы әуежайының баспасөз қызметі багажында бірнеше жыланы бар әйел ұсталғаны көрінетін видео жариялаған.

Әуежай өкілдерінің айтуынша, әйел Малайзияның Куала-Лумпур қаласынан әртүрлі типтегі және өлшемдегі 22 жыланды заңсыз алып өтпек болған. Тіпті хамелеон да тәркіленді.

Ченнай кедені жариялаған видеода әртүрлі пластикалық контейнердегі бауырымен жорғалаушыларды көруге болады.