Жүргізушілерге енді өздерімен бірге тек жеке куәлігі болса жеткілікті – Қарин

Нұр-Сұлтан, BAQ.KZ. Ұлттық кеңестің іске асырылған бастамаларының қоржынында тағы бір заң бар, деп жазды Мемлекет басшысының көмекшісі Ерлан Қарин өзінің Телеграмдағы каналында.

Бүгін мемлекет басшысы «Қазақстан Республикасының кейбір заңнамалық актілеріне жол қозғалысы мәселелері бойынша өзгерістер мен толықтырулар енгізу туралы» заңға қол қойды. Жаңа заңға сәйкес, қазақстандық жүргізушілерге енді өздерімен бірге тек жеке куәлігі болса жеткілікті. 

Бұл бастаманы алғаш рет Президент Тоқаев Ұлттық кеңестің 2019 жылғы 20 желтоқсандағы екінші отырысында жария еткен болатын. Осылайша, бүгінгі заң Ұлттық қоғамдық сенім кеңесі аясында қабылданған он екінші заң жобасы болып отыр. Қазіргі кезде тағы 7 заң жобасы әр түрлі деңгейде қарастырылуда.

Сондай-ақ, жақын арада бұрын жарияланған жаңа бастамалар шеңберінде бірқатар басқа да заң жобалары әзірленіп жатыр, - деп жазды Ерлан Қарин.

Естеріңізге сала кетейік, бүгін 1 ақпан Ақорданың ресми сайты Жол жүрісі мәселелері бойынша заңға өзгерістер мен толықтыру енгізілінгенін хабарлаған.