Қазақстандық зілтемірші әлем кубогында үздік төрттікке енді

Нұр-Сұлтан, BAQ.KZ. Перудің Лима қаласында ауыр атлетикадан жастар арасындағы онлайн әлем кубогы жалғасуда. Olympic.kz қазақстандық спортшылардың нәтижесін назарларыңызға ұсынады. 

Жарыстың үшінші күнінде 73 келіге дейінгі салмақ дәрежесіндегі спортшылар сынға түсті. Бұл сында Қазақстан атынан Мейрамбек Әбдіхалық өнер көрсеткен.  

Турнир қорытындысы бойынша Мейрамбек төртінші орынға табан тіреді. Ол қоссайыс қорытындысы бойынша 275 (123+152) келіні бағындырған.  

Айта кетелік, әзірге Қазақстан қоржынында жалғыз алтын бар. Бірінші жарыс күнінде Абылай Әуелханов топ жарған болатын.