«Қазақстандағы демократиялық институттар» тақырыбында инфографика байқауы жарияланды

Нұр-Сұлтан, BAQ.KZ. Құқықтық саясатты зерттеу орталығы «Қазақстандағы демократиялық институттар» тақырыбындағы инфографика жұмыстарына конкурс жариялайды.

Конкурсқа ұсынылатын жұмыстарға қойылатын талап - қоғамдық кеңес, сайлау, жұртшылықтың қатысуымен өтетін консультативтік жиналыстар, референдум, Парламент/мәслихат құрылымы мен жұмысы, заң шығару, жергілікті өзін-өзі басқару немесе басқа да демократиялық институтқа азаматтардың қатысуын инфографика арқылы жеткізу.

Үздік 3 инфографикалық жұмыстың авторлары ақшалай сыйлық алады:

Жүлделер:

3 орын - 70 000 теңге;

2 орын - 130 000 теңге;

3 орын - 200 000 теңге.

Аталған байқауға тіркелетін инфографика төмендегі критерийлерге сәйкес келуі тиіс:

- білім беру және ағартушылық сипатта болу;

- инфографикадағы және оның постындағы ақпарат шындыққа сәйкес келуі;

- нақты қоғамдық немесе азаматтық миссиясы болу;

- саяси тұрғыдан бұрмаланбау (қандай да бір саяси партияның, қозғалыстың жұмысы мен мүдделерін жақтау мақсатында дайындалмау);

- Инфографиканы жалпы сипаттамасымен, нақтылау үшін #lprcinphographics хештегін қойып әлеуметтік желілердің біріне жариялау. Facebook-те @lprckz немесе Instagram-да @Lprckz парақшаларынын белгілеу қажет.

Жұмыс осы критерийлерге сәйкес келмеген жағдайда өтінім тіркелмейді.

Жұмыстар қазақ және орыс тілдерінде қабылданады.

1 маусымда өтінімдерді қабылдау аяқталады.

Байқау «Құқықтық саясатты зерттеу орталығы» ҚҚ ұйымдастыруымен, Сорос-Қазақстан Қорының қаржылық қолдауы арқылы «Демократиялық тәжірибенің қоғамдық бастамаларға арналған бірлескен кеңістігі» жобасы аясында өткізіледі.