Қазақстан-Өзбекстан бірлескен демаркациялық комиссиясының отырысы өтті

Нұр-Сұлтан, BAQ.KZ.8-12 қарашада Ташкент қаласында Қазақстан-Өзбекстан бірлескен демаркациялық комиссиясындағы Қазақстан Республикасы мен Өзбекстан Республикасы Үкіметтік делегацияларының кезекті отырысы өтті.

Бұл туралы Сыртқы істер министрлігінің баспасөз қызметі хабарлады.

Тараптар Қазақстан-Өзбекстан мемлекеттік шекарасын демаркациялаудың қорытынды құжаттарының жобаларын келісуді жалғастырды. Отырыс барысында шекараның жекелеген учаскелерінде далалық демаркациялық жұмыстар жүргізілді.

Келесі отырыс 2021 жылы желтоқсанда Қазақстан Республикасының аумағында жоспарланған.