Катонқарағайда 10 мектеп қашықтықтан оқытуға көшті

Шығыс Қазақстан облысының тағы бір ауданында оқушылар мектепке бармайтын болды, деп хабарлайды BAQ.KZ.

Аязға байланысты Катонқарағай ауданындағы он мектеп қашықтықтан оқытуға көшті. Бұл туралы Altaynews жазды.

Үлкен-Нарын, Дамитов, Ақсу, Шыңғыстай, Новополяковка, Новохайрузовка, Барлық, Корбиха, Кіші Нарым мектептерінің 0-9 сынып оқушылары қашықтықтан оқытылады. Сондай-ақ бұл қатарда Аққайнар мектебінің 0-4 сынып оқушылары да бар.

Айта кетейік, Катонқарағайда сынап бағанасы минус 30 градусқа дейін төмендеді.