Каспий жағасынан өлі итбалықтар табылды

Жайық-Каспий облысаралық бассейндік балық шаруашылығы инспекциясының қызметкерлері Маңғыстау облысының Түпқараған ауданындағы Каспий теңізінің жағалауына мониторинг жүргізу барысында жағалауға шығып қалған 88 итбалық ұшасын тапты, деп хабарлайды BAQ.KZ.

Анықталған жерге инспекция, әкімдік және Гидробиология және экология институтының өкілдері барды.

Маңғыстау облысы Түпқараған ауданының полиция бөлімінде 29.04.2025 жылы № 254752030000467 сотқа дейінгі тергеп-тексерудің бірыңғай тізілімінде қызыл кітапқа енген жануарлардың қырылуы дерегі тіркелді.

Қазгидрометтің мәліметінше, өткен кезеңде аймақтың су аймағында батыс жақтан жел басым болып, қырылған итбалықтар жағаға шығып қалған.

Ғылыми ұйымның (гидробиология және экология институты) мәліметі бойынша, қырылған жануарлар ыдыраудың аса жоғары сатысында, бұл токсикологиялық және патологиялық анализдерді қоса алғанда, әрі қарай зертханалық зерттеулер үшін сапалы сынама алу мүмкін емес. 

Жануарлардың болжамды қырылуынан кейінгі айтарлықтай уақытқа (2-3 апта) байланысты, қазіргі уақытта су жануарларының қырылу себептерін анықтау қиын. 

Санитарлық нормаларды сақтай отырып, жергілікті атқарушы органның және инспекцияның күшімен Түпқараған ауданының полигонында ұшаларды жинау, тасымалдау және жою жұмыстары жүргізілді.

Каспий теңізінің жағалау белдеуінің мониторингі жалғасуда, итбалықтардың қырылу  дерегі бойынша жағдай ҚР АШМ Балық шаруашылығы комитетінің бақылауында.