Кәсіпкерлердің үстінен негізсіз басталған 49 іс тоқтатылды

Қарағанды облысында кәсіпкерлерге қатысты қылмыстық істер қозғау фактілері 3 есе азайды, деп хабарлайды BAQ.KZ.

Қарағанды облысы прокуратурасының қолдауымен Осакаров ауданында Мәжіліс комитетінің төрағасы Парламент Сенатының депутаты Нұрлан Бекназаровтың, Парламент Сенатының депутаты Мұрат Қадырбектің, өңірдің құқық қорғау органдарының бірінші басшыларының қатысуымен көшпелі отырыс өткізілді.

Қарағанды облысының прокуроры Бауыржан Мырзакеров өңірде бизнес субъектілеріне қатысты сотқа дейінгі тергеп-тексеруді бастау үшін нақты негіздер белгіленгенін атап өтті.

Нәтижесінде бұл санаттағы істерді тіркеу 3 есе азайды.

Азаматтық-құқықтық қатынастар болған жағдайда тіркеуге тыйым салынды.

Үш жыл ішінде азаматтық даудың айқын белгілері болуына байланысты кәсіпкерлерге қатысты алаяқтық фактілері бойынша қозғалған 43 қылмыстық іс тоқтатылды.

Олар бойынша шағымдану құқығы іске асырылмаған тексеру, ревизия және аудит актілерінің нәтижелері бойынша істерді бастауға тыйым салынды.

Осы актілер бойынша өткен жылдары негізсіз басталған 49 іс тоқтатылды.

Қылмыстық қудалау органдары криминалистерінің қорытындылары бойынша іс қозғау практикасы тоқтатылды.

Мемлекеттік органдардың тексеру парақтарында бизнеске қойылатын талаптар жартысына қысқартылды. Бұл тексерулердің 2 есе төмендеуіне әкелді.

23 тексерудің күші жойылды, 10 лауазымды тұлға тексеру жүргізу тәртібін бұзғаны үшін әкімшілік жауапкершілікке тартылды.

Бизнес субъектілеріне қатысты 133 заңсыз тыйым салулар мен шектеулер алынып тасталды (банктік шоттарды қолдануға тыйым салу, белгілі бір әрекеттерді жасауға тыйым салу және т.б.) және оларға қатысты 185 әкімшілік материал жойылды.

Сенаторлар, сондай-ақ бизнес-қоғамдастық заңнамаға қызметті айтарлықтай жеңілдететін және бизнеске қысымды төмендететін өзгерістер енгізу туралы ұсыныстарды оң сипатта атап өтті.

Көшпелі отырыс Қазақстан Республикасы Президентінің VIII сайланған Парламенттің II сессиясының ашылуында берілген тапсырмаларын іске асыру шеңберінде Конституциялық заңнама, сот жүйесі және құқық қорғау органдары комитетінің бастамасымен кәсіпкерлердің құқықтарын қорғау және құқық қорғау органдары тарапынан бизнеске қысым жасауға жол бермеу мәселелері бойынша өткізілді.