Кәсіпкер ретінде мемсатып алумен айналысқан директордың орынбасары анықталды
Нұр-Сұлтан, BAQ.KZ тілшісі. ОКҚ алаңында өткен брифингте «Ел намысы» арнайы мониторинг тобының мүшесі Дидар Смағұлов ұйымның сыбайлас жемқорлыққа қарсы іс-қимыл бойынша өткен 6 айдағы қызметінің нәтижелеріне тоқталып өтті.
Біздің жұмысымыздың маңызды бағыттарының бірі – азаматтарға құқықтық мәселелер бойынша тегін кеңес беру, себебі көбіне адал емес шенеуніктер халықтың құқықтық сауаттылығының төмендігін пайдаланады. Мысалы, Қарағанды облысы Теміртау қаласында Шығыс полиция бөлімінің тергеушісі қылмыстық істі тоқтату үшін күдіктіден 500 000 теңге пара талап еткен, - деді ол.
Айтуынша, ұйымға хабарласқаннан кейін сыбайлас жемқорлыққа қарсы қызмет органдары, Ішкі істер министрлігінің Ішкі қауіпсіздік министрлігі қосылып, пара сомасының бір бөлігін аудару кезінде заң бұзған тұлға анықталған.
Жалпы өткен кезеңде 13 500 азаматтың қатысуымен 500-ге жуық кездесу, 2 300-ден астам адам қатысқан 615 жеке қабылдау өткізілді, оларда барлығы мемлекеттік органдарға хат жолдау немесе басқа да мәселелер бойынша қажетті кеңестер алуға мүмкіндік алды. Әкімшілік жауапкершілікке тарту - сыбайлас жемқорлықтың алдын алудың тиімді құралдарының бірі. Осылайша, біздің ұйымның материалдары бойынша мемлекеттік органдар 40 миллион теңгеден астам айыппұл салу арқылы әкімшілік жауапкершілікке тарту туралы 145 хаттама толтырды, - деп айтты Дидар Смағұл.
Сөзінше, олардың тең жартысы мемлекеттік қызметшілер немесе оларға теңестірілген тұлғалар кәсіпкерлік қызметпен айналысады.
Мәселен, Ақтөбе қаласындағы спорт мектептерінің бірінде директордың орынбасары бір мезгілде жеке кәсіпкер ретінде мемлекеттік сатып алумен айналысып, басқа спорт мектептері мен білім беру ұйымдарына қызмет көрсеткен. Оған 428 820 теңге айыппұл салынып, 15 901 780 теңге көлеміндегі заңсыз табысы мемлекет пайдасына тәркіленді.
Әкімшілік хаттамалардың ішінде мемлекеттік сатып алу саласында да заң бұзушылықтар бар. Атап айтқанда, 40 хаттама. Жалпы сомасы 16 млрд теңгеден астам сомаға бағаның асып кетуі және мемлекеттік сатып алу тәртібін бұзу фактілері анықталды.