Кәсіпкер әйелдер цифрлық дағдыларды дамытып жатыр
Visa компаниясы Шығыс және Оңтүстік-Шығыс Еуропадағы, Орталық Азиядағы және Кавказдағы Әйелдер көшбасшылығы мен кәсіпкерлігін зерттеудің нәтижелерін жариялады, деп хабарлайды BAQ.KZ.
Ауқымды зерттеу 11 елдегі 2000 бизнес иелерінің немесе өзін-өзі жұмыспен қамтыған әйелдердің, соның ішінде Қазақстандағы 75 терең сұхбат пен фокус-топтардағы жұмыстардың онлайн-сауалнамасын қамтыды. Нәтижелер аймақтағы орташа әйел кәсіпкерінің егжей-тегжейлі портретін жасауға және мүдделі тұлғаларға әйелдердің мансап барысында кездесетін қиындықтары мен мәселелерін түсінуге мүмкіндік береді.
Сауалнамаға қатысқандардың бірі атап өткендей, әйелдерге қаражат тарту қиынырақ. Мысалы кремний алқабында да қиындық бар. Қаражат тарту – бұл әйел кәсіпкерлердің алдында тұрған көптеген мәселелердің бірі ғана. Бұл зерттеуде біз әйелдер кәсіпкерлігін мүмкіндігінше терең зерттеуге және әйелдер құрған бизнес пен стартаптарға әсер етуі мүмкін барлық ықтимал кедергілерді анықтауға тырыстық. Біз сондай-ақ кәсіпкерлердің қажеттіліктерін зерттеп, олардың мүмкіндіктерін кеңейтетін және әйелдер бизнесінің халықаралық деңгейде өркендеуіне және дамуына көмектесетін шешімдер тапқымыз келді, - деп түсіндірді Emerging Europe негізін қалаушы серіктес Эндрю Врубель.
Жалпы алғанда, Шығыс және Оңтүстік-Шығыс Еуропадағы, Орталық Азиядағы және Кавказдағы әйелдерге тиесілі Бизнестің көпшілігі (84%) тек өз мемлекеттерінің аумағында тауарлар мен қызметтерді ұсынады, бірақ әйел кәсіпкерлер шетелде бизнес жүргізуді үйренуге мүдделі.
Әйелдер бизнесі дамыған жетекші салалар – сұлулық пен денсаулық (17%), бөлшек сауда (12%), ауыл шаруашылығы және азық-түлік (12%), білім (8%), PR және маркетинг (7%). Кәсіпкерлердің үштен екісі сыртқы қаржыландыруды тартпайды, ал төрттен үшінде жалдамалы жұмысшылар жоқ. Аймақтағы әйелдерге тиесілі бизнестің шамамен 35%-ы 1000 доллардан аз инвестициямен құрылған. Тек әрбір оныншы әйел кәсіпкердің 5-тен астам қызметкері бар.
She' s Next бастамасы 2019 жылы енгізілгеннен бері оның мақсаты әйел көшбасшылар мен жергілікті қауымдастықтардың мүмкіндіктерін кеңейту және олардың дамуына көмектесу болды, – деп атап өтті аймақтық даму директоры Вера Платонова.
Сондықтан жұмыс істейтін елдердегі әйел кәсіпкерлерінің ерекше қажеттіліктері мен мәселелерін зерттеу өте маңызды.
Біз Қазақстанның, Шығыс және Оңтүстік-Шығыс Еуропаның, Орталық Азия мен Кавказдың бүкіл өңірінің әйел-көшбасшылары біртіндеп электрондық коммерцияға көшіп, ыңғайлы және сенімді цифрлық төлемдерді пайдаланатынына қуаныштымыз. Біз зерттеу нәтижелерін аймақтағы гендерлік инклюзияны кеңейтуге ықпал ететін көптеген бастамаларды одан әрі жүзеге асыру үшін пайдаланамыз, - деді компания өкілдері.