«Кәсіби бағдар»: 20 мыңнан астам оқушы болашақ мамандығын анықтады

<p>
</p>
<p align="center">
</p>
<h4>Нұр-Сұлтан, BAQ.KZ. Еліміздің барлық өңірлерінен орта мектептердің 20 586 оқушысы «Кәсіби бағдар» жобасы аясында 5 бағыт бойынша 85 түрлі тренингтен өтті.<br>
<br>
<br>
</h4>
<div>
    Олар - «Тиімді коммуникациялар, шешендік шеберлік», «Жобалық ойлау», «Кәсіби бағдарлау және мансаптық траекторияны құру», «Эмоционалды интеллект», «Командалық жұмыс».
</div>
<p align="center">
</p>
<p>
    Тренингке қатысушылар жобалық менеджмент, жобаларды басқару, бюджеттік жоспарларды құру негіздерімен танысып, шешендік өнер бойынша өз дағдыларын жетілдірді, сондай-ақ өз қабілеттері мен мақсат-мүдделерін ескере отырып уақыт үрдістеріне сәйкес мамандық таңдау бойынша шешім қабылдау дағдыларын меңгерді.
</p>
<p>
    Жобаның басты мақсаты – қазіргі заманда сұранысқа ие мамандықтарға жастардың дағдылары мен бейімділігін арттыру.
</p>
<p>
    Жыл соңына дейін «EduNavigator» кәсіби бағдар беру платформасы базасында онлайн-режимде орта мектептердің кемінде 20 мың оқушысына психологиялық диагностика мен тестілеу жүргізу жоспарлануда.
</p>
<p>
    Сонымен қатар, жоба аясында экономиканың жетекші салаларының мамандарымен және Қазақстан мен шетел университеттерінің жетекші жоғары оқу орындарының түлектерімен онлайн-кездесулер өткізіліп, мамандық таңдау мәселелеріне арналған бейнероликтер әзірленді.
</p>
<p>
    Жобаның негізгі серіктестері: ҚР Президентінің «Болашақ» Халықаралық стипендиясы түлектерінің қауымдастығы, «BTS Education» және «International Academy of Emotional Intelligence» компаниялары.
</p>
<p>
    Естеріңізге сала кетейік, «Кәсіби бағдар» жобасын «Азаматтық және құқықтық бастамаларды дамыту» Қоғамдық қоры ҚР Ақпарат және қоғамдық даму министрлігі мен Азаматтық бастамаларды қолдау орталығының қолдауымен жүзеге асыруда.
</p>
<br>
<p>
</p>