Кашмирде Үндістан мен Пәкістан әскері арасында атыс болды

Алматы, BAQ.KZ. Атыс кезінде Үндістан армиясының кіші офицері қаза тапқан. Бұл туралы Cиньхуа агенттігі хабарлады.

Кашмирдің Наушера бақылау бекетінде екі тарап бір-біріне оқ ақтан. Бұл жер Кашмирдің Үндістан бақылауындағы Срингар қаласынан 222 шақырым жерде орналасқан.

2003 жылғы оқ атпау жөніндегі келісімге қарамастан бұл жерде атыс жиі болып тұрады. Нью-Дели мен Исламабад себепсіз оқ атпауға келіскен болатын. Алайда әр атыс болған сайын тараптар бір оқ атуға келесі жақ себепші болғанын мәлімдеумен келеді.