Қаржы министрлігінің аппарат басшысы тағайындалды

Нұр-Сұлтан, BAQ.KZ. Абзал Бейсенбекұлы Қаржы министрлігінің аппарат басшысы болып тағайындалды.

2006 жылы М.Х.Дулати атындағы Тараз мемлекеттік университетін бітірген, экономист;

2017 жылы – Ноттингем университеті («Болашақ» бағдарламасының түлегі), мемлекеттік саясат саласындағы гуманитарлық ғылымдар магистрі;

2020 жылы – Тараз инновациялық-гуманитарлық университеті, құқық бакалавры.

Еңбек жолын 2007 жылғы қаңтарда Білім және ғылым министрлігінің Ғылым комитетінде жетекші маман болып бастады.

2008-2010 жылдары Экономика және бюджеттік жоспарлау министрлігінде, ал 2010-2011 жылдары  Қаржы министрлігінде еңбек етті.

2011 жылдан бастап  Президент Әкімшілігінде әртүрлі лауазымдарда жұмыс істеді, 2017 жылдан 2019 жылға дейін Қазақстан Республикасы Президенті Әкімшілігінің сектор меңгерушісі, әлеуметтік-экономикалық мониторинг бөлімі басшысының орынбасары қызметтерін атқарды.

2019 жылы «Жасанды интеллект саласындағы зерттеулер мен әзірлемелерді қолдау қоры» КҚ басқармасының төрағасы.

2019 жылдың қазанынан бастап бүгінгі күнге дейін жеке секторда басшылық лауазымдарды атқарды.
Президенттік жастар кадр резервінде тұр.