Қарағандыда 17 млн теңгені жымқырған екі банк қызметкері ұсталды

Нұр-Сұлтан, BAQ.KZ. Қарағандыда алаяқтық жолмен 17 млн теңгені жымқырған екі банк қызметкері ұсталды, деп хабарлайды inbusiness.kz.

Оның біреуі – 27 жастағы менеджер. Ол қызмет бабын пайдаланып, азаматтардың жеке мәліметтеріне қол жеткізе отырып, өзі істейтін банк пен шағын қаржы ұйымдарда несие рәсімдеген. Осылайша жәбірленушілерге 5 млн теңгеге жуық залал келтірген.

Екіншісі – 31 жастағы ер адам. Ол  клиенттерге мерзімі өткен несиелер бойынша көмек көрсетем деген сылтаумен қылмысын жүзеге асырған. Келтірген шығын соммасы – 12 млн теңге.