Қапшағайдың жағасында шашылып жатқан медициналық қалдықтарды жинады

Нұр-Сұлтан, BAQ.KZ. Қазақстан Республикасының Экология, геология және табиғи ресурстар министрлігі шағын ауданның жағалау аймағында медициналық қалдықтарды шығару фактісі бойынша мәлімдеме жасады.

Алматы облысы бойынша Экология департаментінің мемлекеттік экологиялық инспекторы Қапшағай қаласына барды. Шығу кезінде қала әкімдігі мен "Қапшағай Көркейту" ЖШС жағалауды тазалау жұмыстарын жүргізгені анықталды, содан кейін қалдықтар (пайдаланылған шприцтер, жүйелер және т.б.) ары қарай кәдеге жарату үшін полигон аумағына уақытша көшірілді.

Қазіргі уақытта медициналық қалдықтар "МВ Арна" ЖШС мамандандырылған ұйымында кәдеге жаратылды. Сондай-ақ, жергілікті полиция қызметі осы қалдықтардың иелерін анықтау бойынша тергеу іс-шараларын жүргізіп жатқанын хабарлаймыз - делінген хабарламада.

Естеріңізге сала кетейік, бұған дейін Қапшағай суқоймасының жағалауында медициналық қалдықтардың шашылып жатқаны туралы хабарлаған болатынбыз.