Қапшағай қаласында браконьерлерден 530 келі балық тәркіленді

Нұр-Сұлтан, BAQ.KZ. Қазіргі уақытта аталған факті бойынша қылмыстық іс қозғалып, тергеу жұмыстары жүргізілуде, рейдтік іс-шаралар жалғасуда.

Балқаш-Алакөл бассейнінің су айдындарында браконьерліктің алдын алу және онымен күресу мақсатында, экология, геология және табиғи ресурстар мен ішкі істер министрлерінің арасында Балқаш-Алакөл бассейнінің су айдындарында браконьерлікпен күресу бойынша жедел-профилактикалық іс-шаралар жүргізу бойынша қабылданған жоспар және бірлескен бұйрықты іске асыру шеңберінде Қапшағай қаласында балық ресурстарын заңсыз сақтау фактісі анықталды, - делінген хабарламада.

Айта кетсек, ұсталған азаматта  530 келі балықтың бірнеше түрі, сондай-ақ 140 км (140 000 метр) жуық пайдалануға тыйым салынған балық аулау құралдары (синтетикалық моножіптер мен моноталшық) тәркіленді. Балық ресурстарына келтірілген алдын ала залал көлемі 1 млн 211 мың теңгені құрады.