Канвон-2024: Жасөспірімдер олимпиадасындағы тарихи алтын

Оңтүстік Кореяда өтіп жатқан IV қысқы жасөспірімдер Олимпиадасында қазақстандық спортшылар тарихи алтынға қол жеткізді, деп хабарлайды BAQ.KZ.

Шаңғымен тұғырдан секіру сайысында 38 қарсыласпен сынға түскен Илья Мизерных чемпион атанды.

Илья Мизерных — 214 ұпай
Ники Хаммл — 210,7 ұпай
Лукаш Лукащук — 209,7 ұпай
Илья Шильников — 124,4 ұпай

Қысқы Жасөспірімдер Олимпиадасындағы алғашқы алтын медаль құтты болсын, Қазақ елі! Бұл – Жасөпірімдердің қысқы Олимпиадасы тарихында біздің спортшылар жеңіп алған тұңғыш алтын. Жарыстың алғашқы күнінде шаңғымен тұғырдан секіруде бәсекеге түскен Илья Мизерных барлық қарсыласынан басым түсіп, жеңістің ең биік тұғырына көтерілді. Бастама өте жақсы. Осы алтын медаль барша спортшыларға жұғысты болсын! Құтты болсын!,- деді Ермек Маржықпаев.

Бұған дейін жерлестеріміз 3 Олимпиадада 1 күміс, 4 қола жүлде алған еді.