Израильде жасөспірімдер вакцина ала бастады

Нұр-Сұлтан, BAQ.KZ. Израильде 12-15 жас аралығындағы жасөспірімдер вакцина ала бастады, деп жазды centralasia.media.

Израиль вакцинация бағдарламасы әлемде ең қарқынды жүргізіліп жатқан елдердің бірі. Қазіргі күні ел халқының жартысынан астамы Pfizer және BioNTech вакцинасының екі дозасын алып үлгерді. Би-би-си корреспондентінің мәліметінше, ересектерді вакцинациялаудың компаниясы сәтті жүзеге асырылды. Осыдан кейін елде карантиндік шектеулер алынып тасталды. 

Сонымен қатар вирустің өршуі де тіркелген жоқ. Қазіргі күні Израильде жасөспірімдерді вакцинациялау қолға алынды. Вакцина алу үшін мыңдаған жасөспірім кезекте тұр.