20 Наурыз 2020 2020, 06:23
Израиль билігі азаматтарға үйлерінен шығуға тыйым салды
Нұр-Сұлтан, BAQ.KZ. Израиль коронавирусқа байланысты карантин шараларын күшейтуде. Бұл туралы премьер-министр Биньямин Нетаньяху мәлімдеді, деп хабарлайды Newsru.co.il ақпарат агенттігі.
"Қиын кезеңдер қиын шешімдерді талап етіп отырғанын" атап өтті. Үкімет басшысы түнде үкімет үйден кетуге тыйым салатын төтенше жағдай ережелерін бекітетінін айтты.
Бұл қазір сұрау емес, ұсыныс емес, енді бұл полицияның орындауы керек бұйрық, - деді премьер-министр Биньямин Нетаньяху.
Ол мұндай шаралар Израиль тарихында алғаш рет енгізіліп жатқанын атап өтті.
Аса мұқтаждық туындамаса ешқандай себепсіз үйден шығуға тыйым жеті күнге созылады және қажет болса ұзартылуы мүмкін екенін айтты.
Жаңа жарлыққа сәйкес, тамақ немесе дәрі сатып алуға; медициналық көмек алуға ғана болады.
Сонымен қатар үкімет өмірлік маңызды деп таныған кәсіпорындардың қызметкерлеріне жұмысқа баруға рұқсат етілетінін жеткізді.
Израильдің Денсаулық сақтау министрлігінің соңғы мәліметтеріне сәйкес, 573 израильдіктерге коронавирус диагнозы қойылған, олардың алтауының жағдайы ауыр.
Нұр-Сұлтан, BAQ.KZ. Израиль коронавирусқа байланысты карантин шараларын күшейтуде. Бұл туралы премьер-министр Биньямин Нетаньяху мәлімдеді, деп хабарлайды Newsru.co.il ақпарат агенттігі.