Иранда оқушыларды улаған күдіктілер қамауға алынды

Иранда жүзден астам оқушы қыз уланып, ауруханаға түсті. Бұл туралы BAQ.KZ «Хабар 24»-ке сілтеме жасап хабарлайды.

Осылайша, өткен жылдың қарашасынан бастап уланғандар саны 1200-ден асып отыр. «Араб-ньюз» басылымының хабарлауынша, Тегеран, Ардабил және Құмдағы мектептерге газбен шабуыл жасалған. Оқушылардың тыныс алуы қиындап, бастары айнылып құлаған. Осы іске байланысты 3 күдікті қамауға алынды. Оқу орындарынан азот қышқылының қалдығы анықталды.

Елдің Денсаулық сақтау министрлігі бұл фактілер қыздар мектебін жабу үшін қасақана жасалып отырғанын айтты.