Иранда мұнай өңдеу зауытында жарылыс болды

Иранның Тебриз қаласындағы мұнай өңдеу зауытында (МӨЗ) салынып жатқан блоктардың бірінде азот резервуары жарылды. Бұл туралы Mehr агенттігі жазды, деп хабарлайды BAQ.KZ.

Агенттіктің Telegram-арнасында жарияланған мәліметке сәйкес, жарылыс зауыттың жұмыс істемейтін бөлігінде болған. Алдын ала деректер бойынша, жарылыстан ешкім зардап шеккен жоқ, жағдай толық бақылауда.

Бұл – соңғы айлардағы өнеркәсіптік нысандардағы техногендік апаттардың бірі. Бұған дейін, 21 мамырда Мексиканың Нуэво-Леон штатындағы дизель зауытында жарылыс болып, бір адам жарақат алған, тағы 11 адам эвакуацияланған болатын.