Инфекционист күніне қанша маска ауыстыру керегін айтты

Нұр-Сұлтан, BAQ.KZ. Инфекционист, жоғары санатты ресейлік дәрігер София Русанова азаматтарға өзімен бірге күніне қанша маска алып жүру керегін айтты.

Ura.ru ақпарат агенттігі маман күніне 5-7 маска қажет деп айтқанын жазды. Себебі бұл қорғаныс құралдарын әр екі сағат сайын немесе қажет болған жағдайда ауыстыру керек. Русанова достарының күтпеген жағдайларда қиындықтардан аулақ болулары үшін оның кеңесі бойынша осындай көлемдегі маскалар алып жүретінін атап өтті.

Дәрігердің айтуынша, бір реттік және қайта пайдалануға болатын масканы таңдау жеке мәселе. Жоғары сапалы қағазды қорғау құралдары да бар, бірақ оларды әр екі сағат сайын немесе ластану деңгейіне қарай өзгерту керек. Қайта пайдалануға болатын масканы екі жағынан жуып, үтіктеу керек.

Русанова қорғаныс маскалары коронавирусты ғана емес, сонымен қатар, басқа да жұқпалы ауруларды жұқтыру ықтималдығын төмендететінін еске салды.

Егер сіз маска киіп жүрсеңіз, онда сізде тұмаумен және басқа тамшы инфекциялармен ауыру ықтималдығы аз. Аденовирус, парагрипп сияқты инфекциялар көп, - деп айтты инфекционист.