ІІМ есірткі зертханаларына прекурсор жеткізушілерді ұстады

Есірткі зертханаларына арналған прекурсорлар мен жабдықтарды ел аумағында сатумен айналысқан қылмыстық топ ұсталды, деп хабарлайды BAQ.KZ ІІМ баспасөз қызметіне сілтеме жасап.

Алматы қаласында өткізілген жедел іс-шаралар барысында өздерінің заңсыз әрекеттері үшін Telegram-ды пайдаланған 10 фигурант анықталды.

Прекурсорларды сақтауға арналған үш үй-жай табылды. Тәркіленген заттардың жалпы салмағы үш тоннадан асты. Олардың құны 420 миллион теңгеден асады, - делінген ведомство таратқан ақпаратта.

Күдіктілер ұсталып, қамауға алынды.

Бұл бағыттағы жұмыс жалғасуда.