ІІМ: 7 күнде 3 мыңға жуық қылмыс жасалды

Өткен аптада ел аумағында 2800-ден астам қылмыс жасалған, деп хабарлайды BAQ.KZ тілшісі.

Бұл туралы Ішкі істер министрлігінде өткен апталық баспасөз мәслихатында ведомствоның өкілі Шұғыла Тұрлыбек мәлімдеді.

Бір апта ішінде 2839 қылмыс жасалды, оның 1701-і тәулік ішінде ашылды, - деп атап өтті елдегі криминогендік жағдайға тоқталған министрлік өкілі.

Айтуынша, полиция қызметкерлері «ізін суытпай» бірнеше қылмысты әшкерелеген.

Тәртіп сақшылары «ізін суытпай» 4 кісі өлтіруді, 2 өлімге әкеп соққан денсаулыққа қасақана ауыр зиян келтіруді, 43 тонау және 388 бөтен мүлікті ұрлау қылмыстарын ашты, - деді Шұғыла Тұрлыбек.