ИИДМ басшысы Беларусь Республикасының Қазақстандағы елшісімен кездесті

Нұр-Сұлтан, BAQ.KZ. ҚР Индустрия және инфрақұрылымдық даму министрі Қайырбек Өскенбаев Беларусь Республикасының Қазақстандағы төтенше және өкілетті Елшісі Павел Утюпинмен кездесті.

Екі тарап ынтымақтастықтың кең ауқымды мәселелерін, атап айтқанда, өнеркәсіп, құрылыс, азаматтық авиация, қорғаныс-өнеркәсіп кешені және министрлік жетекшілік ететін салаларға инвестициялар тарту мәселелерін талқылады.

Тараптар екі ел арасындағы ынтымақтастық әлеуеті жоғары екенін және осы бағыттағы жұмысты жалғастыру қажеттігін ерекше атап өтті.