IBO Геннадий Головкинді әлем чемпионы рейтингіне қайта қосты

Халықаралық бокс ұйымы (IBO) жаңартылған рейтингіні жариялады. Онда қазақстандық Геннадий Головкин әлі де орта салмақта әлем чемпионы қатарында тұр, деп хабарлайды BAQ.KZ Sports.kz-ке сілтеме жасап.

Головкин IBO-ның ең белді чемпиондарының бірі. Тіпті 40 жасқа келген қазіргі кезде де, 42-2-1 рекордымен және көптеген тарихи бокс кештеріне қатысқаннан кейін, ол орта салмақтағы әлем чемпионы белдігіне абыроймен ие болып отыр, – делінген IBO хабарламасында.

Еске салайық, Геннадий Головкин IBF және WBA Super нұсқалары бойынша орта салмақтағы әлем чемпионы титулынан және міндетті жекпе-жектерді өткізуден ресми түрде бас тартқан болатын.