Хоккейден жастар арасындағы ӘЧ: Қазақстан командасы Данияға қарсы ойнайды

Нұр-Сұлтан, BAQ.KZ. Хоккейден Данияның Херсхольм қаласында өтіп жатқан ІА дивизионындағы әлем чемпионатында Қазақстан командасы үшінші ойынын өткізеді деп хабарлайды Olympic.kz. 

Бүгін түнде өтетін кездесуде Қазақстан мен айдын иелері Дания командасы өзара мықтыны анықтайды. 

Қазақстандықтар бүгінге дейін екі ойын өткізді. Біздің отандастарымыз бірінші ойында Венгрияны ұтса, екінші матчта Норвегияға жол берді. 

Дания құрамасы Латвия және Беларусь командаларынан ұтылған.