ХАМАС Мысырдың атысты тоқтату туралы ұсынысын қабылдады
ХАМАС мысырлық тараптың бес тұтқынды босату туралы ұсынысын қабылдады, деп хабарлайды BAQ.KZ CNN-ге сілтеме жасап.
Кепілге алынғандардың қатарында америкалық-израильдық азамат Эдан Александр бар.
Каирдың ұсынысы бірнеше апта бұрын АҚШ-тың арнайы уәкілі Стив Уиткоффтың мәлімдемесіне ұқсайды. Алайда ол сондай-ақ қайтыс болған тұтқындардың денесін беруді қамти ма, жоқ па, белгісіз.
Дереккөз таратқан ақпаратқа сәйкес, ХАМАС бес тұтқынды босатса, орнына атысты тоқтатуды талап етеді.
Ал Израиль тарапы елдің премьер-министрінің кеңсесі жасаған мәлімдемеге сүйенсек, Тель-Авив Мысырдың ұсынысына ұсыныспен жауап берген.
Премьер-министр Биньямин Нетаньяху делдалдардан алған ұсынысты негізге алып, кеңес өткізді. Соңғы сағаттарда Израиль делдалдарға Құрама штаттармен толықтай үйлесімділік ұсынысын жеткізді, - делінген хабарламада.
Наурызда Израиль Газа секторына шабуылды қайта бастап, гуманитарлық көмекті толықтай бөгеген еді.