«Халық Аренадағы» госпитальда дәрігер жетіспей жатқаны рас па?

Алматы, BAQ.KZ. Алматы қаласы Қоғамдық денсаулық сақтау басқармасы «Халық Аренадағы» госпитальда дәрігер жетіспей жатыр деген мәселеге қатысты пікір білдірді.

Әлеуметтік желіде жарияланған «Халық Аренадағы» госпитальда 70 пациентке аз дәрігер жұмыс істейді және дәрігерлер жағдайды көтере алмай отыр деген үндеуді қарап, бұл ақпараттың шындыққа жанаспайтынын ресми түрде хабарлаймыз. Денсаулық сақтау министрінің 2010 жылғы 7 сәуірдегі N238 «Өңірлерді медициналық қызметкерлермен қамтамасыз ету стандарттарын бекіту туралы» бұйрығына сәйкес жұқпалы аурулар бөлімшесінде штаттық норматив бойынша 20 төсек-орынға арналған жұқпалы аурулар бөлімшесінде инфекционист-дәрігердің бір лауазымы және тәулік бойы 1 мейірбике ұсынылады, - делінген хабарламада.

2021 жылғы 12 сәуірдегі жағдай бойынша «Халық Арена» стационарында 9 дәрігер және 2 реаниматолог-дәрігер 68 пациентке жұмыс істеп жатыр екен.

«Халық Арена» стационары 2020 жылдың шілде айында 1000 төсек-орын резервте тұрған, өз жұмысын 2021 жылдың 1 сәуірінен бастады. Уақытша стационар «Фтизиопульмонология орталығының» медициналық қызметтерімен қамтамасыз етеді. Мұнда пневмония және КВИ ауырлығы орташа және жеңіл науқастар қабылданады, - делінген хабарламада.

Инфекциялық төсек-орындар пациенттерді ауруханаға жатқызу негізінде кезең-кезеңімен орналастырылады. Дәрігерлер тобы жүктемелерге сәйкес белгіленген стандарттарға сәйкес орналастырылады. Жалпы «Halyk Arena» базасында 25 бөлімше және 15 медициналық бекет орналастырылған.

Уақытша стационарда кадрлық жағынан және дәрі-дәрмекпен қамтамасыз етуде ешқандай қиындықтар туындамаған. Өтініш анонимді болғандықтан, дәрігерлерді аралау, кеңес беру және емдеуді тағайындау журналдарын қарап, оның дұрыстығы мен объективтілігін тексеру мүмкін емес, - делінген хабарламада.