Грузияда жүз күннен бері наразылық шаралары жалғасуда - DW

Грузия астанасы Тбилисиде жүз күннен астам уақыттан бері Руставели даңғылында үкіметке қарсы акциялар толастамай тұр, деп хабарлайды BAQ.KZ.

DW таратқан ақпаратқа сәйкес, ел билігі наразылыққа шыққандарға кқолдау көрсетіп, қорғаныс құралдарымен жабдықтап, айыппұл арқалағандарға оны жабуға көмектескен бірнеше қайырымдылық қорының банк есепшоттарын бұғаттады.

Билік қорларды "елдегі тәртіпсіздіктер мен қылмыс жасағандарға демеушілік етті" деп айыптап отыр.

Кейбір грузиялық азаматтық қоғам өкілдері билеуші "Грузинская мечта" партиясы бұғаттау және ірі көлемде айыппұл салу арқылы өз билігін күшейтіп, наразылықты тоқтатуға тырысуда деп санайды.

Айыппұл арқалағандардың басым көпшілігі оны төлеуге мәжбүр. Себебі айыппұл төленбесе, билік мүлкін тәркілеуі немесе банк есепшоттарына бұғат қоюы мүмкін.

Елдегі сот та наразылық танытқандарға салынғандардың айыппұлын жоймайды.