Ғиният Павлодар облысындағы бірқатар медициналық объектіні аралады

Денсаулық сақтау министрі Ажар Ғинияттың Павлодар облысына жұмыс сапары шеңберінде Байет ауылының фельдшерлік-акушерлік пунктіне барды, онда ауылдың 822 тұрғынына қызмет көрсетіледі, деп хабарлайды BAQ.KZ.

Медициналық пунктте дәрігерге дейінгі медициналық көмек, профилактикалық тексерулер, жүкті әйелдер мен балаларға патронаж көрсетіледі, сондай-ақ дәрігердің тексеру кабинеттері, дәрігерге дейінгі, емшара кабинеті орналасқан.

Министр Президенттің тапсырмасы бойынша қазір ауылдық жерлерде 600-ден астам медициналық объекті салуды көздейтін «Ауылдық денсаулық сақтауды жаңғырту» ұлттық жобасы іске асырылып жатқанын хабарлады.

Мұнда Байет ауылында стандарттарға сәйкес келетін жаңа заманауи медициналық пункт салынады.

Министрдің айтуынша, дәрі-дәрмекпен қамтамасыз етудің қолжетімділігін шешу үшін ауылда дәріхана пункттері мен дүңгіршектер ашу жоспарлануда. 

Аудандық ауруханалардың базасында инсульт және коронарлық араласу орталықтары, аз инвазивті хирургиялық, перинаталдық орталықтар ашылады. Одан әрі сапар бағыты бойынша министр Екібастұз қаласының 50 мың тұрғынға есептелген №3 емханасына барды. 

Медициналық қызметкерлермен әңгімелесу барысында А. Гиният аурудың алдын алу және ерте сатысында анықтаудың рөлін атап өтті. Ол аурухананы аралап, ұйым басшылығымен қала тұрғындарына сапалы медициналық көмек көрсету бойынша проблемалық мәселелерді талқылады. 

Келесі нысан 67 мың азаматқа қызмет көрсететін Ақсу қалалық ауруханасы болды, мұнда 837 қызметкер жұмыс істейді, оның ішінде 124 дәрігер. 

Министр медициналық ұйым басшылығымен әңгімелесу барысында арнайы бейінді мамандардың тапшылығы, аурухана ғимараты мен медициналық жабдықтардың тозуы бөлігінде бірқатар проблемалық мәселелерді көтерді, сондай-ақ инсульт және кардиология бөлімшелерін ашу жоспарлары талқыланды.