Германияның көлік өнеркәсібінде 190 мың жұмыс орны қысқаруы мүмкін

Бұл туралы Билд (Bild) басылымы жазды, деп хабарлайды BAQ.KZ Хабар24-ке сілтеме жасап.

Оның ақпары бойынша қызметкерлер саны елдегі ең ірі концерн саналатын Фольксвагенде ((Volkswagen)) ғана емес, басқа да кәсіпорындарда да айтарлықтай азаяды. 

Бұған электромобиль нарығының дамуы әсер етсе керек. Қазірдің өзінде Фольксваген компаниясы үлкен дағдарысты бастан кешіріп жатыр. Кәсіпорын басшылығы Германиядағы үш зауытты жауып, қызметкерлердің жалақысын 10 пайызға қысқартады. Бірақ жұмысшылар бұған бірден қарсылық білдіріп, шеру ұйымдастырды.