Германия тұрғындарының 70 пайызы коронавирус жұқтыруы мүмкін - вирусолог

Нұр-Сұлтан, BAQ.KZ. Германиялық Charite клиникасының вирусологы Кристиан Дростен COVID-19 коронавирусын Германия тұрғындарының көпшілігі жұқтыруы мүмкін деп санайды. Бұл туралы germania.one хабарлайды.

Мүмкін халықтың 60-70 пайызы жұқтыруы мүмкін, бірақ біз қай уақыт кезеңін білмейміз. Бұл екі жылдан кейін немесе одан да ұзақ уақыт аралығында болуы мүмкін, - деп мәлімдеген дәрігер.

Сонымен қатар, маман дүрбелең тудыруға себеп жоқ екендігін айтады. Оның айтуынша, Германия коронавируспен күресуге дайын. Дростен егер инфекция біртіндеп пайда болып, вирус тұрғындарда бір жылда емес, бірнеше жыл бойы жүрсе, Германия бұл мәселені оңай жеңе алатындығын айтады.

Вирусолог дәрігер бұл мәселеде уақыт маңызды рөл атқаратынын атап өтті. Оның үстіне ауа райының жылынуы жағдайдың жақсаруына себеп болады дейді.

Қазіргі уақытта бізде вирустың таралуын тоқтату үшін жақсы мүмкіндіктер бар. Ыстық, ультракүлгін сәулелер және адамдардың көшеде көбірек болатындығы бір-бірінен инфекцияны азайтады, - деді маман. 

Вирусологтың айтуынша, вирустың қайталап өршуіне ауаның суықтығы әсер етуі мүмкін дейді. Сонымен бірге, Дростен осы уақытқа дейін билік вирустың жаппай таралуының алдын алу шараларын қабылдауды тоқтатпау керектігін баса айтқан. Қызметкерлерді оқыту және қажетті дәрі-дәрмектер мен құрал-жабдықтарды сатып алу үнемі назарда тұру керек дейді.

Маман COVID-19 жұқтыру қаупі тасымалдаушымен салыстырмалы түрде ұзақ байланыста болғанда ғана болатынына назар аударды. Сонымен, вирус әуе тамшыларымен таралады. Вирусолог дәрігер вирусты жұқтыруға науқаспен шамамен 1,5 метр қашықтықта кем дегенде 20 минут уақыт өткізу жеткілікті екенін айтады. Бұл жағдайда алғашқы белгілер пайда болған кезде дәрігерге көріну керек.

Сонымен бірге, 2 наурызда Берлинде өткен брифингте Роберт Кох институтының жетекшісі Лотар Вилер Германия үшін коронавирустық індет қаупі «қалыпты» болып қала беретінін мәлімдеді. Ол қазіргі уақытта Германия Федеративтік Республикасында коронавирустың 150 жағдайы зертханалық расталғанын, олардың саны тек Германияда ғана емес, бүкіл әлемде «қарқынды өсіп келе жатқанын» атап өтті.

Инфекция 16 федералды штаттың онында тіркелді. Ең үлкен саны Солтүстік Рейн-Вестфалияның ең үлкен штатында (86), одан кейін Германияда аурудың таралуын бастаған Бавария (25), одан кейін Баден-Вюртемберг (19) және Гессе (10) болды. Кейбір жағдайлар Берлин, Бремен, Гамбург, Төменгі Саксония, Рейнланд-Пфальц және Шлезвиг-Холштейнде тіркелген.

 

Вилердің айтуы бойынша, вирус жұқтырғандардың көпшілігі ер адамдар.

Науқастардың орташа жасы шамамен 30 жасты құрайды, бұл жастағылар ауруға төзеді. Алайда дер кезінде ем қабылдамаса асқынып кетеді және өлім қаупіне әкеледі, - дейді Вилер.