Фристайл-акробатикадан әлем кубогі кезеңі өтті

Нұр-Сұлтан, BAQ.KZ. Раубичиде (Беларусь) фристайл-акробатикадан әлем кубогі кезеңі өтіп жатыр. Olympic.kz қазақстандық спортшылар нәтижесін ұсынады.

Жарыстың алғашы күнінде ерлер мен әйелдер арасында жекелей сындар өтті. Өкінішке қарай, қазақстандық спортшылар финалдық кезеңге өте алмады. 

Ерлер арасында Нұрлан Батырбаев 19-шы, Шерзод Хаширбанов 30-ші, Ильдар Батрудинов 32-ші және Роман Иванов 33-ші болды. Ал әйелдер арасында Маржан Ақжігіт 18-ші, Аяна Жолдас 19-ші, Жанбота Алдабергенова 21-ші, ал Маржан Қалмұрзанова 31-ші орыннан көрінді.