Франция президенті елімізге қандай мақсатпен келді?

Энергетика министрі Алмасадам Сәтқалиев Франция делегациясының Қазақстанға не үшін келгенін айтты, деп хабарлайды BAQ.KZ тілшісі.

Министр Энергетика министрлігінің желісі бойынша сұрақтардың үлкен блогы бар екенін айтады.

Бірінші мәселе – Total Energy компаниясымен электр энергиясын сақтау құрылғылары бар қуаты 1 ГВт болатын жел паркін салу туралы келісім. Осыған дейін әлемдік жылынуға қарсы іс-қимыл жөніндегі үкіметаралық келісімге қол қойылды. Бұл жобаны іске асыру бойынша инвестициялар туралы келісім дайындалып жатыр. Жалпы алғанда біз бұл келісімдерді ратификациялау бойынша рәсімді Мәжілісте бастадық, – деді министр Ақорда кулуарында.