Фоторепортаж: Алматыға X-XIV ғасырлардағы фарфор бұйымдары әкелінді

Мемлекеттік орталық музейде «Қытай фарфоры: мыңжылдық өнері халықаралық көрмесі ұйымдастырылды, деп хабарлайды Алматыдағы BAQ.KZ тілшісі.

Көрмеге Қытай тарихының барлық дәуіріндегі классикалық фарфор бұйымдар қойылған.

Қытай фарфор өнерінің даңқты тарихы мен көрнекті жетістіктерін көрсететін 108 бұйым қойылды. Олардың арасында X-XIV ғасырлардағы фарфордан жасалған вазалар, тостағандар, эмаль және глазурьмен қапталған ыдыстар, қоладан жасалған хош иісті бұйымдар мен шамдар бар. Көрме арқылы «әлемнің фарфор астанасы» атанған және аса бай мәдени мұрасымен танымал ежелгі Цзиндэчжэнь қаласының фарфор бұйымдарын жасау өнерімен танысуға болады,- деді Мемлекеттік орталық музейінің директоры Рашида Ерімқызы Харипова.

Аталмыш көрме – Қазақстан мен Қытай арасындағы достық байланыстар мен мәдени ынтымақтастықты паш ететін маңызды мәдени шара.

Көрме 2024 жылдың 14 тамызына дейін жалғасады.