Филиппинде ұшақ апатынан көз жұмғандар саны 29-ға жетті

Нұр-Сұлтан, BAQ.KZ. Филиппинде әскери ұшақ апатынан қаза тапқандар саны 29 адамға жетті деп хабарлайды «Хабар 24» телеарнасы.

Бұған дейін 17 азаматтың бақилық болғаны хабарланған еді. Сонымен қатар 50-ге жуық кісінің құтқарылғаны белгілі болды. Өрттен көбін күйік шалғандықтан, олар ауруханаға жатқызылған. 

Бүгін Филиппиннің Холо аралында әскери-әуе күштерінің ұшағы апатқа ұшыраған болатын. Бортта 92 адам болған.

Алдын ала мәлімет бойынша, пилот әуежайға қонарда әуе кемесін басқара алмаған.