Филиппинде тек вакцинацияланған қызметкерлер ғана жұмысқа баруға міндеттелді

Нұр-Сұлтан, BAQ.KZ. Covid-19 таралуына жол бермеу жөніндегі ВАК хабарлады.

Филиппинде билік тек вакцинацияланған кәсіпорын қызметкерлерін жұмысқа жіберуге міндеттелді. Вакцинация жасауға үлгермеген жағдайда өз қаражаты есебінен үнемі ПТР тесттерін тапсыруы керек.

Австралияда COVID-19 тестінен бас тартқаны үшін және карантинді бұзғаны үшін салынатын айыппұл көлемі ұлғайтылды. Сондай-ақ, шетелден келген азаматтар үшін ережелер қатаңдатылды: Австралия аумағына келгеннен кейін олар 72 сағатқа оқшауланып, бірінші және алтыншы күндері COVID-19 тестін тапсыруы тиіс.

ЕО халықтың барлық топтары үшін коронавирусқа қарсы міндетті вакцинацияны енгізуді ұсынады. Бұл шараны Германияның жаңа канцлері Олаф Шольц қолдады және осы мәселе бойынша парламенттік дауыс беруге шақырды.