Филиппинде күшті жер сілкінісі орын алды

Нұр-Сұлтан, BAQ.KZ. Филиппинде күшті жер сілкінісі орын алды. Лусон аралындағы зілзаланың магнитудасы 7,3-ке жеткен деп жазады Philippine News Agency агенттігі. 

Филиппиндік вулканология және сейсмология институтының мәлімдеуінше, жер сілкінісінің ошағы Тайум муниципалитетінен солтүстік-шығысқа қарай 3 шақырым жерде орналасқан. Ошақ 17 шақырым тереңдікте жатқан. Жер сілкінісінің дүмпулері ел астанасы – Маниле қаласында да байқалды.

Әзірге зардап шеккендер мен бүлінген ғимараттар туралы ресми ақпарат жоқ.