Еуропаға турист болып бару үшін қандай вакцина салдыру керек

Нұр-Сұлтан. BAQ.KZ. Еуропалық Комиссияның төрағасы Урсула фон дер Лайен The New York Times газетіне берген сұхбатында Еуропалық Одақ (ЕО) барлық туристі бір шартпен қабылдауға дайын екенін айтты.

ЕО-ның барлық 27 елі Еуропалық дәрі-дәрмектер агенттігі (EMA) мақұлдаған препараттар вакцинацияланған кез келген адамды сөзсіз қабылдайды, - деді ол.  

Оның айтуынша, сапарды қайта бастау уақыты әлі де эпидемиологиялық жағдайға байланысты.

Алайда, Урсула фон дер Лайен басқа вакцинация алғандарға қатысты ЕО-ны саясаты қандай болатынын түсіндірмеді.

Әзірге EMA COVID-19-ға қарсы вакцинацияға арналған төрт препаратты мақұлдады: американдық-германиялық консорциум Pfizer және BioNTech, американдық Moderna компаниясы, британдық-шведтік AstraZeneca және американдық Johnson & Johnson компаниясы.