Еуропа терроризмнің жаңа толқынымен бетпе-бет келуі мүмкін – Илон Маск

Америкалық кәсіпкер Илон Маск Италиядағы үкіметтік коалицияға кіретін «Лига» партиясының конгресінде бейнебайланыс арқылы сөйлеген сөзінде жаппай миграция кез келген елді қиратуға алып келетінін және Еуропа терроризмнің жаңа толқынымен бетпе-бет келуі мүмкін екенін мәлімдеді. Оның сөздері Corriere della Sera газетінде жарияланды, деп хабарлайды BAQ.KZ.

«Терроризмнің салдарынан Еуропада жаппай кісі өліміне жол берілуі мүмкін, сіздердің достарыңыз, отбасыларыңыз – бәрі үшін қауіпті болады. Біз Италия мен Еуропада жалпы түрде шабуылдардың үлкен өсімін көріп отырмыз, ал бұқаралық ақпарат құралдары бұл шабуылдардың салдарын азайтып көрсетуге тырысады», - деді ол.

Миллиардер бұл жағдайды «тенденция» деп атады.

Маск «жаппай миграция – бұл ақылға қонымсыз нәрсе, ол кез келген миграцияны қабылдаған елді қиратуға әкеледі» деп санайды.

«Бұл өте күрделі жағдай: әлемде 8 миллиард адам бар. Егер әлемнің кішкене бөлігі 50 миллион халқы елге қоныс аударса, ол елді мүлдем өзгертеді. Ел дегеніміз – бұл география емес, оның халқы: бұл негізгі түсінік, ол айқын болуы керек», - деді кәсіпкер.