Еуро-2024: Испания 12 жылдан соң финалға шықты

Испания футболдан 2024 жылғы Еуропа чемпионатының финалына шыққан алғашқы құрама болды, деп хабарлайды BAQ.KZ.

Кілең аладоп жұлдыздарының басын қосқан Испания мен Франция кездесуі тартыс өтті.

Сондай-ақ жанкүйерді аты танымал Килиан Мбаппе мен жас жұлдыз Ламин Ямаль арасындағы кездесуді жанкүйерлері асыға күткені анық.

Ойын бірден-ақ шабуылмен басталды. Франциялық Килиан Мбаппенің әуелете берген пасын әріптесі Рандаль Коло Муаниге бағыттап, бір ұпай әкелді.

Алайда көп ұзамай испаниялықтар таразы басын теңестірді. Небәрі 16-жастағы Ламин Ямалдың алыстан бағыттаған добы Франция қақпасына дөп түсті. Ямал турнир тарихында ½ финалда гол салған ең жас ойыншы атанып отыр.

Осылайша ол аталған турнирдің тарихында 1/2 финалда гол соққан ең жас ойыншы атанды.

Ал 25-минутта испаниялық Дани Ольмо командасына тағы бір ұпай сыйлады.

Нәтижесінде Испания қарсыласын 2:1 есебімен жеңіп, 12 жылдан кейін финалға жолдама алды.

Айта кетерлігі, 11 шілдеде тағы жартылай финалда Англия мен Нидерланд құрамалары кездеседі.