Этносаралық қатынастарды дамыту комитеті құрылды

Нұр-Сұлтан, BAQ.KZ. Ал "Дінтану сараптамасы орталығы" республикалық мемлекеттік мекемесі таратылды.

Елімізде ҚР Ақпарат және қоғамдық даму министрлігі жанынан этносаралық қатынастарды дамыту жөніндегі комитет құрылды.

Қазақстан Республикасы Үкіметінің 2020 жылғы 29 сәуірде қабылдаған қаулысында Қазақстан Республикасы Ақпарат және қоғамдық даму министрлігінің Этносаралық қатынастарды дамыту комитеті құрылсын. Қазақстан Республикасы Ақпарат және қоғамдық даму министрлігінің "Дінтану сараптамасы орталығы" республикалық мемлекеттік мекемесі таратылсын, - делінген adilet.zan.kz-те.

Қаулыға Қазақстанның Премьер-министрі Асқар Мамин қол қойған. Қаулы нормативтік құқықтық актілердің ақпараттық-құқықтық жүйесінде жарияланған.

Еске салайық, кеше Қазақстан Республикасының Ақпарат және қоғамдық даму министрі болып Аида Ғалымқызы Балаева тағайындалған болатын.