«Ертістің» бұрынғы футболшысы «Шахтерге» ауысты

Жартылай қорғаушы Жасұлан Қайыркенов Премьер-лигаға жолдама алу үшін қарағандылық «Шахтер» командасымен келісімшартқа отырды, деп хабарлайды BAQ.KZ. 

Ол биыл «Ертістен» кетіп, «Жетісуға» ауысқан болатын. Премьер-лига клубында сегіз матч өткізді.

Өткен жылы Жасұлан Қайыркенов «Екібастұз» және «Ертіс» командаларында жарты маусым ойнады. Жас кезінде ол «Астана» академиясына барып, бірақ негізгі командаға қосыла алмады.

«Ертіс» командасы трансферлік терезе кезінде тағы бір ойыншысымен қоштасты. Павлодарлық футбол орталығының түлегі Вячеслав Раскатов «Каспий» командасына ауысып, бірден негізгі құрамға кірді. 15-турда «Академия Оңтүстік» командасына қарсы өткен ойында ол негізгі құрамда шықты.

Айта кету керек, осы ойында «Ертіс» футбол орталығының тағы бір түлегі Мирас Тұрлыбек хет-трик жасады. Ол 14 матчта 15 гол соғып, жақсы ойын көрсетуде.

Қазіргі таңда «Ертіс» «Каспийді» 5 ұпаймен қуып келеді. Павлодарлық команда келесі ойынын өз алаңында өткізеді. 1 тамыз күні олар басты қарсыластарының бірі қарағандылық «Шахтерді» қабылдайды.