Ертең Бейсен Құранбек атындағы "Жігер" сыйлығының лауреаттары анықталады

Нұр-Сұлтан, BAQ.KZ. Ертең сағат 9.00-де, Ақпарат және қоғамдық даму министрі Аида Балаеваның қатысуымен Бұқаралық ақпарат құралдары қызметкерлері күніне орай онлайн-марафон өтеді.

Іс-шара аясында бұқаралық ақпарат құралдарының еңбек сіңірген өкілдеріне "Ақпарат саласының үздігі" төсбелгілері мен Құрмет грамоталарын табыстау өтеді.

Жас журналистерді қолдау және олардың қызметін ынталандыру, сондай-ақ әлеуметтік маңызды тақырыптармен айналысатын БАҚ-тың жұмысы аясында белгілі қазақстандық журналист, тележүргізуші, қоғам қайраткері Бейсен Құранбек атындағы "Жігер" журналистикалық сыйлығы лауреаттарының есімдері белгілі болады.

Еске сала кетейік, байқаудың басталуы 2020 жылдың 26 мамырында жарияланды.