Ерекше "қонақ": Астанада пәтерге жарқанат кіріп кетті

Астанада құтқарушылар пәтерге кіріп кеткен жарқанатқа көмекке келді, деп хабарлайды BAQ.KZ.

Кеше Есіл ауданында Г.Әлиев көшесінде орналасқан көпқабатты тұрғын үйдің пәтеріне жарғанат ұшып кіріп, өз бетімен шығудың жолын таба алмай қалған.

Шақырту орнына жеткен құтқарушылар оны ақырын ұстап алып, бостандыққа жіберді. 

Егер сіздің үйіңізге жарқанат ұшып кірсе: 

1. Онымен тікелей байланыста болудан аулақ болыңыз; 

2. Балалар мен үй жануарларын басқа бөлмеге шығарыңыз; 

3. оны тістеуден қорғайтын қолқап киіп алып, ақырын ұстаңыз да бостандыққа жіберіңіз.