Ер адамдар әйелдерге қарағанда қатерлі ісіктен көп қайтыс болады

Ер адамдар әйелдерге қарағанда қатерлі ісікке көп шалдығады, деп хабарлайды BAQ.KZ тілшісі.

Бұл туралы Денсаулық сақтау вице-министрі Вячеслав Дудник Орталық коммуникациялар қызметінің алаңында өткен баспасөз мәслихатында мәлімдеді.

Таралуы бойынша бірінші орында - сүт безі обыры (13%), екінші орында - өкпе обыры (10%), үшінші орында – ішек обыры (9%) тұр. Жыл сайын 5 мың әйелге сүт безі қатерлі ісігінің диагнозы қойылады, - деп атап өтті вице-министр.

Сонымен қатар ол қатерлі ісіктен орын алатын өлім-жітім ер адамдар арасында көп кездесетініне тоқталды.

Елімізде жыл сайын 13 мыңнан астам адам қатерлі ісіктен қайтыс болады. Әсіресе қатерлі ісіктен ер дамдар жиі өледі (53%), бұл өлім құрылымымен байланысты. Бірінші орында - өкпе обыры (16%), екінші орында –асқазан обыры (12%), үшінші орында-ішек обыры (11%), 4 орында - сүт безі обыры (8%) тұр. Темекі шегу – өкпе қатерлі ісігінің 90%-ның себебі, - деді ведомство басшысы.

Еске сала кетейік, бұған дейін ол жыл сайын 30 мыңға жуық қазақстандық қатерлі дертке шалдығатыны туралы айтқан болатын.