Эпидемиологтар Алматыда неліктен қызылша ауруы тіркелмегенін айтты
Алматыда көп жағдайда вакцинацияның арқасында қызылша ауруы тіркелмеді, деп хабарлады BAQ.KZ.
Өңірлік коммуникациялар қызметінің алаңында Алматы қаласының Қоғамдық денсаулық сақтау басқармасының штаттан тыс эпидемиологы Эльвира Ибрагимова мен Алматы қалалық Санитарлық-эпидемиологиялық бақылау департаментінің бас маманы Владимир Юсупов қызылшаның алдын алу шаралары, белгілері және екпенің маңыздылығы туралы айтып берді.
Санитарлық эпидемиология департаментінің бас маманының айтуынша, 2022 жылы Алматы қаласында қызылша мен қызамықтың зертханалық расталған жағдайы тіркелмеген. Бірақ көші-қон факторларын ескере отырып, мамандар бұл инфекцияның қауіпті екенін ескертеді.
Қызылша ауруының алдын алу – өте өзекті мәселе. Бүгінгі таңда бұл ауру Ресей Федерациясы, Қырғыз Республикасы сияқты елдерде тіркелсе, қызылша ауруы Украинада да тіркелген. Шекаралас елдерде, атап айтқанда Ресей Федерациясында, бірқатар өңірде қызылшаның зертханалық расталған жағдайлары тіркелді. Бұл Новосибирск облысы, Омбы облысы және Алтай аймағы. Алматыда қызылшаның зертханалық расталған жағдайы тіркелген жоқ. Соған қарамастан, бұл инфекцияның таралуын болдырмау үшін барлық профилактикалық іс-шаралар жүргізілуде, - деді В.Юсупов.
Маманның айтуынша, инфекцияның алдын алу мен таралуын болдырмауда екпенің алатын орны ерекше. Мәселен, 2022 жылы қызылшаға қарсы профилактикалық вакцинамен балалардың 99,1 пайызы, 2022 жылы қызылшаға қарсы ревакциянациямен 99,3 пайызы қамтылды.
Қоғамдық денсаулық сақтау басқармасының штаттан тыс эпидемиологы Эльвира Ибрагимова балалардың Ұлттық екпе күнтізбесі бойынша бір жаста және алты жаста егілетінін еске салды.
Алматы қаласында вакцина жеткілікті. Әрбір бала өзі тіркеуде тұрған емханада тегін екпе ала алады. Барлық вакцина тегін беріледі. Сондықтан егер баланың жасы толған болса, біз тіркелген вакцинация жасаймыз. Вакцинация дозасы - 0,5 мл. Ол Үндістанда шығарылады. Бұл вакцина соңғы 10 жыл бойы қолданылып келеді. Осы вакцинадан кейін асқынулар тіркелмеген. Вакцинация – бұл ауруға қарсы маңызды профилактикалық шара екенін тағы да еске саламыз, - деп атап өтті спикер.
Оның үстіне эпидемиологтың айтуынша, бұл вакцина баланы қызылшадан ғана емес, қызамық пен паротиттен де сақтайды. Оның үстіне, вакцина алған адамдар сирек ауырады.
Негізінен қызылшаға екпе алмаған немесе одан бас тартқан адамдар шалдығады. Парадокс мынада, адамдар вакцинациядан бас тартады және мұның бәрі аурушаңдықтың көбеюіне әкеледі. Неліктен қызылша бүкіл әлемде тарала бастады? Өйткені адамдар вакцинадан жиі бас тарта бастады және нәтижесінде бүкіл әлемде қызылша ауруы көбейіп кетті, - деп қосты ол.
Эпидемиологтар иммундық қабатқа жету үшін халықтың 95-97 пайызын вакцинамен қамту керектігін еске салады. Бірақ вакцинациядан басқа, инфекцияның таралуын болдырмауға бағытталған басқа да алдын алу шаралары бар.
Бізде 2015 және 2019 жылдары қызылшаға қарсы иммундау науқаны өтті. 2015 жылы 15 пен 19 жас аралығындағы адамдар екпе алды. Ал 2019 жылы 20 мен 29 жас аралығындағы адамдар екпе алды. Оның ішінде вакцинациядан өтіп жатқан медицина қызметкерлері де бар. Бұл шаралар осы инфекцияға қарсы иммунитетті иммундық қабатпен қамтамасыз етуге мүмкіндік берді, - деп атап өтті В.Юсупов.
Ол республика бойынша жоспарлы және қосымша иммундау енгізудің арқасында қызылшамен күресте айтарлықтай жетістіктерге қол жеткізілгенін айтты.
Қызылша – ауа-тамшылы инфекциялар тобына жататын жіті жұқпалы вирустық ауру. Ауру адамнан адамға ауа арқылы, тыныс алу жолдарынан бөлінетін тамшылар немесе жұқтырған адамдардың мұрнынан немесе тамағынан бөлінетін заттардың ауа тамшылары арқылы тарауынан жұғады.
Қызылшаның негізгі белгілері: жоғары температура, әлсіздік, жөтел, мұрыннан су ағу, ауыз қуысының шырышты қабатында ақ дақтар, ірі біріктірілген қызыл дақтар түріндегі бөртпе және жақ асты лимфа түйіндерінің ұлғаюы.